PARYUSHAN PARV Day 3

PARYUSHAN_PARV

••••••••••••••••••••••••••••••••••••
|| Acharya Shri Ratnasundar M.S. ||
Golden Chaturmas 2016
Alkapuri Jain Sangh Vadodara Guj
# Vyakhyan Highlights 31/08/16 #
••••••••••••••••••••••••••••••••••••

PARYUSHAN PARV Day 3
~ Ek saal ke 11 Kartavya

* Adhyatmik jagat ke 3 kshetra jahan Buddhi ka prayog kam ho to result jyada milta hai :
(1) Priti (2) Bhakti (3) Shraddha

Bhagwan se Pyar hi Dharm ki shuruat hai. Dharm ke kshetra mein pravesh karne ke liye buddhi ko bahar rakkho aur sirf Prem, Bhakti aur Shraddha se kaam lo.

# Ek saal me Sangh me Shravak Shravika ke 11 KARTAVYA

(1) SANGH POOJA :
* Sangh = Chaturvid Sangh of Sadhu bhagwant, Sadhviji bhagwant, Shravak & Shravika.
* Bhakti / Daan = Vhala ne Vhal thi Vhali vastu aapvi.
* Sangh Pooja = Jitna ho paaye utna, Sangh ko bhakti / daan (dravya aur bhaav ka) hriday purvak karo.

(2) SADHARMIK BHAKTI :
Sadharmi = Swa (Jain) Dharmi ki Bhakti, seva, madad karna, bhojan karvana etc.

(3) TEEN YATRATRIK :
(a) ASHTANHIKA
(b) RATH YATRA – Bhagwan ki Rath Yatra jis se Jain Shasan ki prabhavna ho.
(c) TIRTH YATRA – Jo hamein sansaar se taare wo Tirth yatra hai.

(4) SNATRA POOJA :
Har kaam karne ke baad Dharm karna ki Dharm karne ke baad har kaam karna ? Hamein Samuh mein Utsah purvak Snatra Pooja karni hai jis tarah Kumarpal Maharaja 1800 crorepati ke saath karte they.

(5) DEV DRAVYA KI VRIDDHI :
Boli bolne ka labh lo aur jo bhi bolo wo paise turant bhar do, kyunki baad mein –
(a) Aapke Bhaav toot sakte hain
(b) Bajaar toot sakta hai
(c) Aapka jeevan kabhi bhi toot sakta hai

(6) MAHA PUJA :
Jinalay ko sajana, Shangar, Aangi. Sabko darshan ki utsukta ho aisa mahaul banana.

(7) JAGARAN

(8) SHRUT PUJA :
Hamein Gyan / Agam ki bhakti karni chahiye, bachchon ko Pathshala bhejna chahiye – taki jin vachan ki pratishtha hamare dil mein ho jaaye.

(9) UDYAPAN :
Gyan / Samayik ke upkaran, sadhu sadhvi ko upyogi chijon ka pradarshan rakhna.

(10) SHASHAN PRABHAVANA :
Achchha dravya upyog karna, prabhavna karni.

(11) ALOCHANA SHUDDHI :
Aatma ki shuddhi karni hai. Kshamapana karke Mann vachan kaya se alochana hui hai wo guru ke paas khule dilse ikrar karna hai. Prabhu bhakti, tapasya adi karke shuddhi karni hai.

NIYAM : 4 din ke liye jo bhi daan karenge wo poore ullas se karenge aur doosri baar bhi labh mile aisa bhaav rakhenge.*🙏🏼
••••••••••••••••••••••••••••••••••••

Advertisements

PARYUSHAN PARV Day 2

PARYUSHAN_PARV

••••••••••••••••••••••••••••••••••••
|| Acharya Shri Ratnasundar M.S. ||
Golden Chaturmas 2016
Alkapuri Jain Sangh Vadodara Guj
# Vyakhyan Highlights 30/08/16 #
••••••••••••••••••••••••••••••••••••
~ PARYUSHAN MAHAPARV – DAY 2 … Laxmisagarsurishwarji M.S. rachit Paryushan mahaparv granth Ashtanhika adharit pravachan.

* Paryushan mein Shravak ke 5 KARTAVYA :

1) AMARI PRAVARTAN – Taarak negative energy.

2) KSHAMAPANA – Sabko maaf karna.

* Kumhar, Doctor, Darji, Teacher, Carpenter – sab dusri vastu mein parivartan karte hain. Dharm khud mein parivartan ke liye hai. Dharm se hamari Pravrutti, Vaani aur Vichar mein  parivartan hota hai.

* Mandir sheher ke andar hota hai, Marghat (Smashan) sheher ke bahar. Taaki Mandir mein roz bhagwan ko dekh kar hamein yaad aaye ki hamein bhagwan jaisa hi banna hai. Marghat mein koi jaana nahi chahta.

* Parmatma ke saamne khade hoke kya sochna chahiye ? Ye sochna chahiye ki aapka (Prabhu ka) present kabhi mera future bane. Aaj mera present kabhi aapka past tha. Muni bane bina hum Parmatma kabhi ban nahi payenge.

3) SADHARMIK BHAKTI
Mere Aachar (action) ka decision mera Vichaar (thoughts) karega. Mere Vichaar ka decision Vatavaran (atmosphere) karega. Bina prerna ke Paap ho sakta hai, lekin Dharm karne ke liye prerna chahiye, vatavaran chahiye. Parvadhiraj Paryushan achchha atmosphere / vatavaran de raha hai. Sangh mein rehkar Sadharmik bhakti karte hue Dharm karna hai.

4) ATHAM TAP – 3 din ka Upvaas.
Paani ko garam karne ke liye tapeli ko garam karna padta hai. Waise hi Aatma ko nirmal karna hai to shareer ko kasht dena padta hai.

5) CHAITYA PARIPATI – Prabhu darshan mein sangh ke saath ya vyaktigat jayenge.

* Mera jeevan kiske haath mein hai ?
1) Prakruti ke haath mein – Ek Tsunami, Bhukamp, Bawandar aa jaye to sab badal de.

2) Paristithi ke haath mein – Paap karma ka uday aa jaye to ek kshan mein sab badal jaaye. Suvidhapurna  paristithi hai isliye jivan achchha chal raha hai.

3) Parivar achchha hai, sabka saath hai isliye jivan achchha chal raha hai.

4) Punya favour kar raha hai to sab theek hai.

5) Parmatma ke haath mein. Prakruti, Paristithi, Parivar aur Punya vipareet jaa sakte hain lekin Parmatma kabhi dhokha nahi deta. Fir sabse bada bharosa kis par hona chahiye ? Logon ne Dharm ko Spare wheel banake rakha hai jabki usko Steering wheel banana chahiye.

* Zindagi aur Umr : Samay ko gawaan diya wo Umr hai, jo sanwaar liya wo Zindagi hai.

NIYAM :  Ek saal mein kam se kam ek baar Vadodara ke har mandir ka darsahan karenge.🙏🏼
••••••••••••••••••••••••••••••••••••⁠⁠⁠⁠

PARYUSHAN PARV – DAY 1

PARYUSHAN_PARV

••••••••••••••••••••••••••••••••••••
|| Acharya Shri Ratnasundar M.S. ||
          Golden Chaturmas 2016
Alkapuri Jain Sangh Vadodara Guj
# Vyakhyan Highlights 29/08/16 #
••••••••••••••••••••••••••••••••••••
~ PARYUSHAN PARV Day 1
PARV samay se related hai. Paawan kare wo Parv.
TIRTH sthan se related hai. Taare wo Tirth.

* Paryushan mein Shravak ke 5 KARTAVYA :

1) AMARI PRAVARTAN – Taarak negative energy.
=> Hamare paas 2 negative energy hai –
(a) Maarak aur (b) Taarak

* Meri negative takat / ichchha hai ki pyar ko sweekar na karna, pravachan ka gyan na lena. Itne Parmatma ke aane-jaane ke baad bhi hamare jivan ka parivartan na hua. Bhikhari ko shayad bhiksha isliye na mili kyunki usey daan dene wala na mila. Lekin Bhagwan ki itni karuna barsane par bhi hamne unki karuna sweekar na ki, hriday mein pravesh karne na diya aur Bhagwan hamara kalyan nahi kar sake. Vastu, Vyakti aur Paristithi ka bahana dekar hamne negative energy ka prayog kiya aur iske hum khud jimmedar hain. Ye Maarak negative energy hai.

* Guru, Bhagwan, Mata-Pita ke saamne negative energy ka prayog nahin karna chahiye. Jinke mann mein aapki anant kaal tak shubhkamna hai uske saame negative energy nahi – unko support karna chahiye. Ye Taarak negative energy hai.

* Amari Pravartan – Kisiko bachaane ka kaam shhayad na karo, par maarne ka kaam nahi karna. Ye hamari jimmedari hi nahi kshamata bhi hai. Kisiko sukh / maan / daan de ya na de lekin dukh na dena, apmaan na karna ye bhagwan ki aagna hai. Eg. Kumarpad raja ne apne shareer par baithe makode ko bhi bachaane ke liye apni chamdi kaat di. Negative energy ka sakaratmak upyog.

Eg. Aakjal cosmetics banane ke liye kitne jaanwar ko maarte hain. Ye hamare liye zaroori nahi hai.
Eg. Agla vishwa yuddh peene ke paani ke liye hoga. Aap 1 batli paani lekar snan karte ho ki shower mein ? Sadhu apne jeevan bhar tak snan nahi karta fir bhi koi bimari nahi. Kam upyog karna chahiye, tabhi pani ki aane wali samasya ka kuchh solution hoga. (Shravak ko puja karne ki anumati hai isiliye snan karne ki chhut hai. Sadhu ko puja karne ki manai hai isiliye snan karne ki manai hai.)

2) KSHAMAPANA – Sabko maaf karna.
Ye bhi negative energy hai. Mera apradh jisne kiya hai uska galat main Karoonga nahi, Bolunga nahi aur Sochunga bhi nahi.

Badhu bhegu rakhvu e vritti Sansarini.
Badhane bhega rakhva e vritti Dharmini.

* Bhagwan ke bhi dushman ho sakte hain eg. Mahavir swami – Chandkaushik nag etc. Chahe aapke kitne bhi dushman hain lekin aap Parmatma ban sakte hain, lekin aapke mann mein agar ek bhi dushman hai to aap Parmatma nahi ban sakte. Kisipe Raag lamba samay nahi chalta lekin Dwesh saalo saal chalta hai ! Parvadhiraj Paryushan ke 8 din ek hi cheez ke liye – Kshamapana. Kshama maango, Kshama do, Kshama rakkho.

* Machchiavelli’s principle : Do not talk to your friend what you cannot talk to your Enemy – friend today can become enemy tomorrow.
Mahavir Swami’s principle : Talk to your enemy what you can tell your friend – enemy today can become friend tomorrow.

=> Aage Ego ki gaanth tod do, peechhe Mahavir ki gaanth laga do. Sui mein prabhu bhakti aur sabke liye prem ka dhaga aasani se piroya jayega.

# 3 Kartavya Positive energy ke (tomorrow):

3) Sadharmik Bhakti
4) Atham Tap
5) Chaitya Paripati

Niyam : Once in a week for 2 months, I will not use soap or shampoo, as a Smaranjali to Guruji   who does not take bath.🙏🏼

Niyam : Jin logon ke saath aapki nikat ki dushmani hai unke paas jake ya phone pe kshama maang lena.🙏🏼
••••••••••••••••••••••••••••••••••••

Live Pravachan 31st Aug PARYUSHAN PARV Day 3

Live Pravachan 30th Aug 2016 PARYUSHAN PARV Day 2

Live Pravachan Date:29th Aug 2016 PARYUSHAN PARV Day 1

                                            Paryushan Parv Day 1 (Click on the Image Below)

oie_ANUIusyqxq8e

Watch “RATNA VACHAN date :28th Aug 2016”

Previous Older Entries